Նեյրոֆիզիոլոգիա և տոքսինոլոգիա
Ամբիոնի վարիչ՝
Նաիրա Մարտինի Այվազյան
կենսաբանական գիտությունների դոկտոր
ՀՀ Գիտությունների ազգային ակադեմիայի գիտակրթական միջազգային կենտրոնի «Նեյրոֆիզիոլոգիա և տոքսինոլոգիա» ամբիոնը հիմնադրվել է 2013 թվականին ՀՀ ԳԱԱ ակադեմիկոս Լ. Ա. Օրբելու անվան ֆիզիոլոգիայի ինստիտուտում: «Նեյրոֆիզիոլոգիա և տոքսինոլոգիա» մասնագիտությամբ մագիստրոսական կրթությունը կնպաստի ֆիզիոլոգիական գիտության զարգացման բնագավառում երիտասարդ ու խոստումնալից կադրերի ընդգրկմանը: Ամբիոնի մագիստրանտները կընդգրվեն ՀՀ ԳԱԱ ակադեմիկոս Լ. Ա. Օրբելու անվան ֆիզիոլոգիայի ինստիտուտի կենտրոնական նյարդային համակարգի ֆիզիոլոգիայի, վեգետատիվ նյարդային համակարգի ֆիզիոլոգիայի, ԿՆՀ-ի ֆունկցիաների կոմպենսացման, նյարդա-ներզատչական փոխհարաբերությունների, զգայաշարժ ինտեգրման, հարթ մկանների ֆիզիոլոգիայի, մարդու հոգեֆիզիոլոգիայի, նյարդային համակարգի ֆունկցիաների մաթեմատիկական մոդելավորման, թունաբանության, ֆիզիոլոգիապես ակտիվ նյութերի պուրիֆիկացման ու ստանդարտիզացման, ինտեգրատիվ կենսաբանության և այլ լաբորատորիաներում տարվող գիտահետազոտական աշխատանքներում:
Ամբիոնի խնդիրներն են ՝
- Բարենպաստ պայմաններ ստեղծել ուսանողների լիարժեք, բազմակողմանի ուսուցման համար:
- Ուսանողներին ապահովել ժամանակակից մասնագիտական գրականությամբ, գործնական աշխատանքներ անցկացնել տեխնիկապես հագեցված լաբորատորիաներում:
- Համապատասխան պայմաններ ստեղծել ուսանողակենտրոն ուսուցման համակարգի արդյունավետ գործառնելիության համար:
- Ուսանողներին ներգրավել նյարդաֆիզիոլոգիայի տարբեր ոլորտներում տարվող տարբեր գիտահետազոտական աշխատանքներում, այդ թվում ուղեղի տարբեր բաժինների, հենաշարժային, ջերմակարգավորման ապարատի վերլուծիչների հոգեֆիզիոլոգիայի, վեգետատիվ և այլ սոմատիկ համակարգերի, ինչպես նաև՝ ֆիզիոլոգիապես ակտիվ նյութերի, թունաբանության և ողնուղեղի ուսումնասիրման ուղղություններով տարվող աշխատանքներում:
- Իրականացել գիտամեթոդական և գիտահետազոտական գործունեություն
- Արտերկրյա դասախոսներ ընդգրկել ուսումնառության գործընթացում:
- Ապահովել կրթական, գիտահետազոտական և նորարարական գործընթացների միասնությունը:
- Կատարելագործել մանկավարժական, գիտահետազոտական պրակտիկաների բովանդակային և կազմակերպչական բաղադրիչները:
Մասնագիտացումը՝ նեյրոֆիզիոլոգիա և տոքսինոլոգիա
Գիտահետազոտական աշխատանքները
Ամբիոնի պրոֆեսորադասախոսական կազմը համալրված է ՀՀ ԳԱԱ ակադեմիկոս Լ. Ա. Օրբելու անվան ֆիզիոլոգիայի ինստիտուտի բազմամյա գիտական և մանկավարժական փորձ ունեցող անվանի գիտնականներով, որոնց գիտական աշխատանքները տպագրվել են և տպագրվում են աշխարհի լավագույն գիտական ժողովածուներում: Պրոֆեսորադասախոսական կազմը պարբերաբար մասնակցում է միջազգային տարբեր գիտաժողովների: Ամբիոնը հրատարակել է բազմաթիվ մենագրություններ և դասագրքեր:
Ամբիոնում ստեղծվել է նաև «Journal club» ակումբ, որտեղ ուսանողները ներկայացնում, վերլուծում, քննարկում են բնագիտական տարբեր ոլորտներում առկա նորագույն հիմնախնդիրներին նվիրված հոդվածները: Այն բաց է բոլոր ցանկացողների համար, ինչպես ինստիտուտի և ամբիոնի, այնպես էլ բժշկակենսաբանական ուղղվածություն ունեցող յուրաքանչյուր ուսումնական հաստատության համար:
Ամբիոնը մասնակցում է «Հեռավար ուսուցում. շարունակական կրթության զարգացման եղանակները անդրկովկասյան տարածաշրջանում» TEMPUS ծրագրին, որի արդյունքում մինչև 2016/2017 ուսումնական տարվա սկիզբը կհիմնադրվի հեռավար ուսուցման կենտրոն:
Ամբիոնի աշխատակազմը՝
| Նաիրա Այվազյան | կենսաբանական գիտոթյունների դոկտոր |
| Արմեն Ոսկանյան | կենսաբանական գիտությունների թեկնածու |
| Նարինե Թադևոսյան | կենսաբանական գիտությունների թեկնածու |
| Լիլիա Համբարձումյան | կենսաբանական գիտությունների թեկնածու |
| Ռաֆիկ Հարությունյան | կենսաբանական գիտոթյունների դոկտոր |
| Նաիրա Զաքարյան | կենսաբանական գիտությունների թեկնածու |
| Զուբեյդա Ավետիսյան | կենսաբանական գիտությունների թեկնածու |
| Սուսաննա Բաղդասարյան | կենսաբանական գիտությունների դոկտոր |
| Միխայիլ Պողոսյան | կենսաբանական գիտությունների թեկնածու |
| Հասմիկ Թադևոսյան | կենսաբանական գիտությունների թեկնածու |
| Նաիրա Հունանյան | կենսաբանական գիտությունների թեկնածու |
| Զարուհի Կարաբեկյան | կենսաբանական գիտությունների թեկնածու |
| Արմինե Սավայան | կենսաբանական գիտությունների թեկնածու |
| Վերգինե Չավուշյան-Պապյան | կենսաբանական գիտոթյունների դոկտոր |
| Հարություն Ստեփանյան | կենսաբանական գիտությունների թեկնածու |
| Գայանե Կիրակոսյան | կենսաբանական գիտությունների թեկնածու |
| Էլմիրա Ավետիսյան | կենսաբանական գիտությունների թեկնածու |
| Հովհաննես Մկրտչյան | կենսաբանական գիտոթյունների դոկտոր, պրոֆեսոր |
Հեռ. (+374 10) 272247; 221754
Էլ. փոստ` physiol@neuroscience.am