Ինֆորմատիկայի և հաշվողական տեխնիկայի ամբիոն
Ամբիոնի վարիչ՝
Վլադիմիր Գրիգորի Սահակյան
ֆիզիկամաթեմատիկական գիտությունների թեկնածու, դոցենտ
ՀՀ Գիտությունների ազգային ակադեմիայի Գիտակրթական միջազգային կենտրոնի ինֆորմատիկայի և հաշվողական տեխնիկայի ամբիոնը հիմնադրվել է 2006 թվականին: Ամբիոնի հիմնադրումը պայմանավորված էր ՀՀ ԳԱԱ գիտահետազոտական ինստիտուտներում, Հայաստանի սոցիալական կյանքի տարբեր բնագավառներում համակարգչագիտությանն ու տեղեկատվական տեխնոլոգիաներին տիրապետող բարձր որակավորում ունեցող մասնագետների պահանջարկով։
Ամբիոնի խնդիրները՝
Պատրաստել համակարգչագիտության և տեղեկատվական տեխնոլոգիաների ոլորտի բարձր որակավորմամբ մագիստրոսներ, որոնք կկարողանան իրականացնել հետազոտական և կիրառական աշխատանքներ:
Ապահովել ուսուցման գործընթացի արդյունավետ կազմակերպման պայմաններ, ապագա մասնագետների մրցունակության հնարավորություններ:
Իրականացնել գիտամեթոդական և գիտահետազոտական գործունեություն ամբիոնի գերակա ուղղություններով, պատրաստել տեսական և մեթոդական նյութեր:
Ընդլայնել միջազգային համագործակցության շրջանակները, ուսումնական գործընթացի մասնակիցների համար ապահովել մասնագիտական տեղեկատվության աղբյուրներ:
Ապահովել ուսումնական և գիտահետազոտական պրակտիկաներ համապատասխան մասնագիտացված ստորաբաժանումներում:
Մասնագիտացումը՝ Ինֆորմատիկա և հաշվողական տեխնիկա
Գիտահետազոտական աշխատանքները
Ամբիոնի գիտահետազոտական աշխատանքները ծավալվում են ՀՀ ԳԱԱ ինֆորմատիկայի և ավտոմատացման պրոբլեմների ինստիտուտում (ՀՀ ԳԱԱ ԻԱՊԻ, http://iiap.sci.am):
Մագիստրոսական hետազոտություններն ու մշակումներն իրականացվում են ժամանակակից գիտելիքների և տեխնոլոգիաների կիրառմամբ՝ համապատասխան ՀՀ ԳԱԱ ԻԱՊԻ-ի բաժինների գերակա ուղղությունների, այդ թվում` հաշվարկների ու տրամաբանական եզրահանգումների մոդելներ, դիսկրետ մաթեմատիկա, ինֆորմացիայի տեսություն և վիճակագրական մոդելներ, կոդավորման և ազդանշանների մշակում, հաշվողական և իմացական ցանցեր, կիրառական ծրագրային համակարգեր, գիտական հաշվարկներ, տեղեկատվական և հեռահաղորդակցական տեխնոլոգիաների նորարարություններ, գիտական տեղեկատվության վերլուծություն և մոնիտորինգ, բարձր արտադրողականությամբ հաշվողական համակարգեր, ազդանշանների և պատկերների մշակում, ցանցային և ամպային տեխնոլոգիաներ։
Գիտական հետազոտությունների արդյունքները հրապարակվում են ՀՀ ԳԱԱ ԻԱՊԻ «Կիբեռնետիկայի և հաշվողական տեխնիկայի մաթեմատիկական հարցեր» աշխատանքների ժողովածուում, որը լույս է տեսնում տարին երկու անգամ։
Երկու տարին մեկ անգամ անց է կացվում "CSIT" միջազգային գիտաժողով (http://www.csit.am), որտեղ մագիստրանտները հնարավորություն ունեն ծանոթանալու գիտական նորույթներին և ներկայացնելու սեփական ձեռքբերումները:
Դասավանդվող առարկաների ցանկը ներարում է՝
Գրաֆների տեսության էքստրեմալ խնդիրներ, արագ օրթոգոնալ ձևափոխություններ, ինֆորմացիայի պաշտպանություն, կոմբինատոր անալիզ, վիճակագրական մեթոդներ և կիրառություններ, բարդ համակարգերի մոդելավորում, Web ծրագրավորոմ, զուգահեռ ծրագրավորում, իմացական մոդելավորում, կոդավորման տեսություն, ամպային տեխնոլոգիաներ, համակարգչային ցանցեր, թվային մեթոդներ, գիտական հաշվարկներ:
Ամբիոնի աշխատակազմը՝
| Աբրահամյան Սերգեյ |
ֆիզիկամաթեմատիկական գիտությունների թեկնածու |
| Ասցատրյան Հրաչ | տեխնիկական գիտությունների թեկնածու |
| Վլադիմիր Սահակյան | ֆիզիկամաթեմատիկական գիտությունների թեկնածու, դոցենտ |
| Գյուրջյան Միքայել |
տեխնիկական գիտությունների թեկնածու, դոցենտ |
| Գազազյան Էմիլ |
ֆիզիկամաթեմատիկական գիտությունների թեկնածու |
| Թադևոսյան Ռոբերտ | տեխնիկական գիտությունների թեկնածու |
| Կարախանյան Վիլիկ |
ֆիզիկամաթեմատիկական գիտությունների թեկնածու |
| Կարապետյան Իսկանդար |
ֆիզիկամաթեմատիկական գիտությունների թեկնածու |
| Սարուխանյան Հակոբ |
ֆիզիկամաթեմատիկական գիտությունների դոկտոր, պրոֆեսոր |
| Հակոբյան Փառանձեմ |
ֆիզիկամաթեմատիկական գիտությունների թեկնածու |
| Հարությունյան Մարիամ |
ֆիզիկամաթեմատիկական գիտությունների դոկտոր, պրոֆեսոր |
| Մոկացյան Արսեն |
ֆիզիկամաթեմատիկական գիտությունների թեկնածու |
| Պետրոսյան Արթուր | տեխնիկական գիտությունների թեկնածու |
| Պողոսյան Էդուարդ | ֆիզիկամաթեմատիկական գիտությունների դոկտոր, պրոֆեսոր |
| Սահակյան Վլադիմիր | ֆիզիկամաթեմատիկական գիտությունների թեկնածու, դոցենտ |
| Սարգսյան Շուշանիկ | կենսաբանական գիտությունների թեկնածու |
| Վարդանյան Արթուր | դասախոս |
| Քերոբյան Ռուզաննա | դասախոս |
| Մովսիսյան Լաուրա | ամբիոնի համակարգող |
Ավարտելուց հետո մագիստրոսը կկարողանա
- կիրառել խնդիրների լուծման գիտականորեն հիմնավորված և նոր հետազոտական մոտեցումների մշակման նորարարական մեթոդներ՝ հենվելով առաջատար ցանցային և ամպային տեխնոլոգիաների վրա,
- մշակել համակարգչային գիտության հետ առընչվող բարդ և մասամբ արտասովոր խնդիրների գաղափարներ և լուծումներ, ինչպես նաև անհրաժեշտության դեպքում ներգրավել այլ ոլորտների առաջատար գիտելիքներ և կարողություններ,
- բացահայտել լրացուցիչ մասնագիտական տեղեկատվության անհրաժեշտությունը, գտնել համապատասխան տեղեկատվական աղբյուրները և կիրառել դրանք,
- պլանավորել, կազմակերպել և ղեկավարել համակարգչագիտության ոլորտում տեսական և փորձարարական հետազոտություններ,
- գնահատել տվյալները և անել եզրակացություններ դրանց վերաբերյալ,
- հետազոտել և գնահատել նոր և հեռանկարային թվային տեխնոլոգիաների հնարավորությունները և կիրառելիությունը։
Ամբիոնի հնարավորությունները
Ուսանողներին ընդգրկել բազային ինստիտուտում գիտահետազոտական և կիրառական աշխատանքներում, տեղական և միջազգային նախագծերում։
Ուսանողները հնարավորություն ունեն մասնակցելու ինստիոտւտում անցկացվող սեմինարներին և կազմակերպվող միջազգային գիտաժողովներին։
Մասնակցել գիտակրթական համակարգչային ASNET-AM ցանցի (http://www.asnet.am) սպասարկման աշխատանքներին, իրականացնել նրա միջավայրում սեփական կիրառությունները և օգտվել ցանցի ամպային միջավայրից և ծառայություններից։
Հեռ.` (+37410) 282080
Էլ. փոստ` vladimir.sahakyan@sci.am
Տեսադարան՝