Մոլեկուլային և բջջային կենսաբանության ամբիոն
Ամբիոնի վարիչի ժամանակավոր պաշտոնակատար՝
Գոհար Մարատի Մկրտչյան
կենսաբանական գիտությունների թեկնածու
ՀՀ Գիտությունների ազգային ակադեմիայի գիտակրթական միջազգային կենտրոնի Մոլեկուլային և բջջային կենսաբանության ամբիոնը հիմնադրվել է 2006 թվականին՝ ՀՀ ԳԱԱ Մոլեկուլային կենսաբանության ինստիտուտի ժամանակակից տեխնիկական և մեթոդական բազայի հիման վրա: Մինչև 2015 թվականի հունվարը ամբիոնի վարիչ է եղել ՀՀ ԳԱԱ թղթակից անդամ, կ.գ.դ., պրոֆեսոր Աննա Սուրենի Բոյաջյանը:
Ամբիոնի հիմնադրումը պայմանավորված էր կյանքի մասին գիտությունների դերի կարևորությամբ, կյանքի որակի և չափանիշների բարելավման սկզբունքային նշանակություն ունեցող ուղղություններով իրականացվող հետազոտությունների համար որակյալ կադրեր պատրաստելու անհրաժեշտությամբ:
Ամբիոնի խնդիրներն են ՝
Գիտակրթական համակարգի համար պատրաստել արդի մոլեկուլային և բջջային կենսաբանության մեթոդներին տիրապետող բարձր որակավորում ունեցող մասնագետներ:
Ապահովել ուսուցման գործընթացի արդյունավետ կազմակերպման պայմաններ, մասնավորապես ժամանակակից նյութատեխնիկական բազայով հագեցած լաբորատոր աշխատասենյակներ, մասնագիտական տեղեկատվության աղբյուրներ:
Իրականացնել կարիերայի կենտրոնների հետ համագործակցություն շրջանավարտներին մասնագիտական աշխատանքով ապահովելու նպատակով:
Ապահովել ապագա կենսաբանների մրցունակության իրատեսական երաշխիքներ, ստեղծել ուսանողակենտրոն ուսուցման համակարգի արդյունավետ գործառնելիության համար համապատասխան պայմաններ, իրականացնել գիտամեթոդական և գիտահետազոտական գործունեություն՝ ամբիոնի գերակա ուղղություններով, ստեղծել կրթության որակի ապահովման պայմաններ, ընդլայնել միջազգային համագործակցության տարածությունը, ուսումնական գործընթացի մասնակիցների համար ապահովել մասնագիտական տեղեկատվության աղբյուրները, ապահովել կրթական, գիտահետազոտական և նորարարական գործընթացների միասնությունն ու անքակտելիությունը, կատարելագործել ուսումնական, մանկավարժական, գիտահետազոտական պրակտիկաների բովանդակային և կազմակերպական բաղադրիչները:
Մասնագիտացումը՝ Մոլեկուլային և բջջային կենսաբանություն
Գիտահետազոտական աշխատանքները
Ամբիոնի պրոֆեսորադասախոսական կազմը վերջին հինգ տարիներին հրատարակել է 17 գիրք/գրքի գլուխներ արտասահմանում, շուրջ 200 գիտական հոդված, որոնց մեծ մասը օտարերկրյա միջազգային գրախոսվող ազդեցության գործակից ունեցող մասնագիտական ամսագրերում, ավելի քան 200 հրապարակումներ միջազգային և հանրապետական գիտաժողովների նյութերում: Ամբիոնի գիտական հետազոտությունները ուղղված են ուսումնասիրելու բջջային ակտիվության կարգավորման մեխանիզմները և նրանց խանգարումները օրգանիզմի տարբեր ախտաբանական վիճակներում, ներառյալ աուտաիմունային, աուտաբորբոքային, վարակիչ, օնկոլոգիական, հոգեկան և ուղեղանոթային հիվանդությունները: Ուսումնասիրություններն անցկացվում են in vivo, in vitvo, in situ և in silico և տարվում գենետիկական, բջջային, թաղանթային և ենթաբջջային մակարդակներում: Առանձին ուշադրություն է բևեռված իմունային և ազդանշանային համակարգերի միջնորդանյութերին: Հետազոտություններում օգտագործվում են փորձարարական կենդանիներ, բջջային կուլտուրաներ, կլինիկան նյութ և համակարգչային տեխնոլոգիաներ: Տարվող հետազոտությունների կարևորագույն ուղղություն է հայերի գենոմի ուսումնասիրությունը` պաթոգենոմիկայի, էկոգենոմիկայի, իմունագենոմիկայի և պոպուլյացիոն գենոմիկայի մոտեցումների կիրառմամբ: Հետազոտությունների արդյունքների կիրառման ոլորտը ներառում է հիվանդությունների մոլեկուլային ախտորոշումը, կանխորոշումը, կանխարգելումը և բուժումը, ինչպես նաև հիվանդության ընթացքի վերահսկում և օգտագործվող թերապիայի արդյունավետության գնահատում: Տվյալ ուղղությամբ ամբիոնի դասախոսներն ունեն մի շարք մշակումներ և համապատասխան արտոնագրերի սեփականատերեր են:
Ամբիոնի աշխատակազմը`
| Գոհար Մկրտչյան | կենսաբանական գիտությունների թեկնածու |
| Լևոն Եպիսկոպոսյան | կենսաբանական գիտությունների դոկտոր, պրոֆեսոր |
| Արսեն Առաքելյան | կենսաբանական գիտությունների դոկտոր |
| Կարինե Մայիլյան | կենսաբանական գիտությունների դոկտոր |
| Լյուդմիլա Ներսեսովա | կենսաբանական գիտությունների թեկնածու, դոցենտ |
| Գայանե Մանուկյան | կենսաբանական գիտությունների թեկնածու |
| Վիտյա Վարդանյան | կենսաբանական գիտությունների թեկնածու |
| Գոհար Ցականովա | կենսաբանական գիտությունների թեկնածու |
| Ռոքսանա Զախարյան | կենսաբանական գիտությունների թեկնածու |
| Քրիստինե Մարգարյան | կենսաբանական գիտությունների թեկնածու |
| Նելլի Բաբայան | կենսաբանական գիտությունների թեկնածու |
| Դիանա Ավետյան | կենսաբանական գիտությունների թեկնածու |
| Գրիգոր Առաքելով | կենսաբանական գիտությունների թեկնածու |
| Էրիկ Արաբյան |
Հեռ. (+374 10) 281626
Էլ. փոստ g_mkrtchyan@mb.sci.am
Տեսադարան՝