«Շրջակա միջավայրի պաշտպանություն (բնապահպանություն)» կրթական ծրագրերի արդիականացում Հայաստանի և Վրաստանի համար
Ծրագրի հապավում՝ MENVIPRO
Ծրագրի համար՝ 598232-EPP-1-2018-1-IT-EPPKA2-CBHE-JP
Ծրագրի տևողություն՝ 2018-2021թթ.
Ծրագրի համակարգող՝ Տուշայի համալսարան, Իտալիա
Ամառային դպրոցի վեբէջ` https://www.summerschool.menvipro.org/
ԵՄ գործընկերներ՝
Հայաստան
Վրաստան
- Վրաստանի համալսարան
Ծրագրի ամփոփում
Ծրագրի ընդհանուր նպատակն է շրջակա միջավայրի պաշտպանության (բնապահպանության) ոլորտում բարելավել կրթական ծրագրերի որակը Հայաստանում և Վրաստանում, ապահովել առարկայական ծրագրերի բազմակողմանի արդիականացում՝ հիմք ընդունելով Բոլոնիայի և ԵՀԱ-ի (եվրոպական համալսարանների ասոցիացիա) Զալցբուրգյան սկզբունքները, ինչպես նաև եվրոպական լավագույն փորձը՝ ներառյալ կրթական տեխնոլոգիաների վերջին նորարարությունները: Ծրագիրը կարևորելու է հետբուհական կրթության և գիտահետազոտական գործունեության սերտ կապը՝ այդպիսով շրջանավարտներին զինելով նորագույն գիտելիքներով և գործնական հմտություններով: Համալսարան-հասարակություն-արդյունաբերություն կապերը նույնպես կխթանեն շրջանավարտների աշխատունակությունը:
Բնապահպանական կրթությունը կտրուկ արդիականացնելու նպատակով ծրագրի շրջանակներում ստեղծվելու է միջհամալսարանական կրթական և գիտահետազոտական եզակի լաբորատորիա, որտեղ կիրականացվեն ուսանողական, արտաքին շահառուների հետ համագործակցային տարբեր նախագծեր։ Բնապահպանության ոլորտում միջհամալսարանական կրթական և գիտահետազոտական լաբորատորիան ծրագրի հիմնական շոշափելի արդյունքներից է, որը տարիներ շարունակ սահմանելու է հետբուհական կրթության որակի չափանիշները: Ավելին՝ լաբորատորիան հասանելի կդարձնի ժամանակակից լաբորատորայի ենթակառուցվածքները և հնարավորություն կտա իրականացնելու տարբեր նախագծեր համալսարանների և արտաքին շահառուների միջև:
Ծրագրի գործառնական նպատակներից է նոր և արդիականացված առարկայական ծրագրերի մշակումը հավատարմագրման համար: Բոլոր գործընկեր համալսարաններում արդիականացվելու են հետևյալ առարկայական ծրագրերը՝
- Շրջակա միջավայրի երկրաքիմիա
- էկոլոգիական մոնիթորինգ և չափիչ սարքեր
- Համալիր գեոէկոլոգիական քարտեզագրում
- Տարածական տեղեկատվական ենթակառուցվածքներ և կառավարում
- Լանդշաֆտի պլանավորում
- Քաղաքային միջավայրի էկոլոգիա
- Էկոթունաբանություն
- Աշխարհագրական-տեղեկատվական համակարգեր (ԱՏՀ)
- Էկոլոգիական ռիսկի գնահատում
Մշակվելու են հետևյալ նոր առարկայական ծրագրերը (յուրաքանչյուրը՝ 3 ECTS կրեդիտ)
- Շրջակա միջավայրի ճառագայթային պաշտպանություն
- Շրջակա միջավայրի վիճակագրություն
- Շրջակա միջավայրի կիրառական հեռազննում
- Ջրի որակի կառավարում
- Սննդի անվտանգություն և պաշտպանություն
Շնորհանդեսներ
Ուսումնական այցի շնորհանդեսներ
 |
 |
 |