Այսուհետ ՄԵՆՎԻՊՐՈ-ն և ԱԲԻՈՆԵԹ-ը կհամագործակցեն
Սեպտեմբերի 28, 2020
«Շրջակա միջավայրի պաշտպանություն (բնապահպանություն)» կրթական ծրագրերի արդիականացում Հայաստանի և Վրաստանի համար» կարողությունների զարգացման Էրազմուս+ ծրագիրը՝ ի դեմս ՀՀ ԳԱԱ էկոլոգանոոսֆերային հետազոտությունների կենտրոնի և ՀՀ ԳԱԱ ԳԿՄԿ «Բնապահպանության և բնօգտագործում» ամբիոնի, և «Կենսաարտադրանքների տեխնոլոգիայի ոլորտում գերազանցության հայկական ցանց» կարողությունների զարգացման Էրազմուս+ ծրագիրը՝ ի դեմս Հայաստանի ազգային ագրարային համալսարանի, կնքել են համագործակցության համաձայնագիր, որի շրջանակներում մասնակիցները կհամագործակցեն փոխհամաձայնեցված ծրագրերի շուրջ հետևյալ ուղղություններով՝
- Հայաստանում և գործընկեր երկրներում կենսամթերքի տեխնոլոգիայի և գիտության ոլորտում համատեղ նախագծերի իրականացում՝ ժամանակակից մեթոդաբանությունների և ձեռնարկատիրական գործիքների կիրառման միջոցով:
- Այցերի փոխանակում պրոֆեսորադասախոսական կազմի և հետազոտական անձնակազմի միջև՝ սեմինարների, դասընթացների, գիտաժողովների և դասախոսությունների խթանման նպատակով, համատեղ հետազոտական նախագծերի իրականացում, ընդհանուր հետաքրքրություն ներկայացնող ոլորտներում փորձի քննարկում և այլն:
- Համատեղ հրապարակումներ և հոդվածներ փոխադարձ հետաքրքրություն ներկայացնող ոլորտներում:
- Բակալավրիատի, մագիստրատուրայի և ասպիրանտուրայի ուսանողների փոխանակում՝ ուսումնառության և հետազոտություն իրականացնելու նպատակներով:
Հիշեցնենք, որ մինչ սույն համաձայնագրի ստորագրումը, ՄԵՆՎԻՊՐՈ կոնսորցիումի անդամ դոկտոր Դ. Պիպոյանի և այլ ներքին շահագրգիռ կողմերի մասնակցությամբ արդեն քննարկվել է «Սննդամթերքի անվտանգություն» մագիստրոսի կրթական ծրագիրը, սննդամթերքի անվտանգության ոլորտի առկա կարիքները և վերոնշյալ կրթական ծրագրի կրթական վերջնարդյունքների և մոդուլների մշակումը: