Ուսանողական գիտական ընկերություն
| Մեր մասին | Ողջույնի խոսք | |
| Կազմ | ||
| ՈՒԳԸ գործունեություն | ||
| Գիտաժողովի ժողովածուներ | ||
|
|
Հարգելի՛ ուսանողներ, Ուսանողական տարիները ոչ միայն գիտելիք ձեռք բերելու, այլև գիտական մտածողության ձևավորման և մասնագիտական ինքնության կայացման կարևորագույն փուլ են։ Այդ ընթացքում ձևավորվում են վերլուծական կարողությունները, հետազոտական հետաքրքրությունները, ստեղծագործական մոտեցումը և գիտության հանդեպ պատասխանատվությունը։ Ուսանողական գիտական ընկերությունը (ՈՒԳԸ) միավորում է այն ուսանողներին, ովքեր ձգտում են զարգացնել իրենց գիտական ներուժը: ՈՒԳԸ-ն հանդիսանում է հարթակ, որտեղ ձևավորվում և զարգանում են նոր գաղափարներ, իրականացվում են գիտական նախաձեռնություններ, կազմակերպվում են գիտաժողովներ, սեմինարներ և մասնագիտական քննարկումներ։ ՈՒԳԸ-ն կարևոր կապող օղակ է ուսանողների և ՀՀ ԳԱԱ ԳԿՄԿ գիտական միջավայրի միջև՝ նպաստելով ուսանողների ներգրավմանը ակադեմիական կյանքում, համագործակցության ընդլայնմանը և փորձի փոխանակմանը։ Այն միաժամանակ բաց հարթակ է, որտեղ յուրաքանչյուր ուսանող կարող է ներկայացնել իր գաղափարները, նախաձեռնել ծրագրեր և դառնալ գիտական համայնքի ակտիվ անդամ։ Վստահ եմ, որ մեր ՈՒԳԸ-ն կդառնա գիտական նախաձեռնությունների, նորարարական մտածողության և առաջընթացի հարթակ։ Համոզված եմ, որ միասին մենք կարող ենք զարգացնել ուսանողական գիտական կյանքը, իրականացնել արժեքավոր ծրագրեր և նպաստել գիտության առաջխաղացմանը՝ ի շահ մեր Կենտրոնի և մեր երկրի։
Հարգանքով՝ Անուշ Իսկանդարյան ՀՀ ԳԱԱ ԳԿՄԿ ուսանողական գիտական ընկերության նախագահ Կոնտակտներ
ՈՒսանողական գիտական ընկերության կանոնադրություն |
(
