Իտալացի գործընկերների դասախոսությունների շարքը ԳԿՄԿ-ում
Նոյեմբերի 15, 2024
Սույն թվականի նոյեմբերի 11-15-ին Էրազմուս+ փոխանակման ծրագրի շրջանակներում ՀՀ ԳԱԱ Գիտակրթական միջազգային կենտրոնը հյուրընկալեց Նեապոլի Ֆեդերիկո 2-րդի անվան համալսարանի 3 պրոֆեսորների: Այցի շրջանակներում իտալացի գործընկերները հանդես եկան դասախոսությունների շարքով՝ նվիրված զբոսաշրջությանը և հոգեբանությանը:
Հնգօրյա դասախոսությունների բովանդակությունն այսպիսին էր՝
1. Ֆաբիո Կորբիսեռո
«Տուրիզմի սոցիոլոգիա. ենթակառուցվածքներ և մեթոդաբանություն»,
«Իտալական տուրիզմը Նեապոլի օրինակով»
2 Սալվատերե Մոնակո
«Ներառական տուրիզմ: Կայուն տուրիզմի սկզբունքները»,
«Թվային նորարարությունները տուրիզմում»
3. Անալիսա Ամոդեո
«Տուրիզմը և հոգեբանությունը: Մոտիվացիա և բարեկեցություն»,
«Մշակութային տուրիզմ, բարեկեցություն և որակյալ կյանք»
Դասախոսություններին ներկա գտնվեցին ԳԿՄԿ-ի «Տնտեսագիտություն և կառավարում», «Հոգեբանություն» ամբիոնների ուսանողները և որոշ աշխատակիցներ, որ մեծ հետաքրքրությամբ և երախտագիտությամբ հաղորդակից դարձան իտալացի մասնագետների փորձին՝ նմանատիպ փոխայցելությունների ձևաչափը գնահատելով արդյունավետ՝ ի նպաստ միջազգային արդիական չափորոշիչներին համապատասխանող հմուտ և բազմակողմանի զարգացած մասնագետ դառնալուն:
