Հանդիպում Նեապոլի Ֆրիդրիխ II-ի անվան համալսարանի դասախոսների հետ
էրազմուս+ դասախոսություն: «Քաղաքական հաղորդակցման փոփոխվող սցենարը»
էրազմուս+ միջազգային կրեդիտային շարժունության ծրագրի շրջանակներում ս/թ. սեպտեմբերի 14-ից 16-ը Նեապոլի Ֆրիդրիխ II-ի անվան համալսարանի (Իտալիա) հասարակագիտության ոլորտների պրոֆեսորներ՝ Ռոսաննա դե Ռոսան և Ֆաբիո Կարբիսիերոն հանրային դասախոսություններով այցելեցին Գիտակրթական միջազգային կենտրոն: Այցի նպատակները մի քանիսն էին՝ ծանոթանալ ԳԿՄԿ անձնակազմի հետ, ուսումնասիրել Կենտրոնի կառուցվածքն ու գործունեությունը, ինչպես նաև հանրային դասախոսություններով ներկայանալ ԳԿՄԿ ուսանողական հանրությանը:
Այցի առաջին օրը տեղի ունեցավ հանդիպում ԳԿՄԿ տնօրեն՝ Արմեն Սարգյանի հետ, որի ընթացքում քքնարկվեցին ձեռք բերված կապերի ամպրապնդման հետագա ուղիները, հնարավոր համատեղ աշխատանքները, առաջարկվեցին նոր գաղափարներ և քննարկվեցին հետագա համագործակցության հեռանկարները:
Այնուհետև պրոֆեսոր Ռոսաննա դե Ռոսան ԳԿՄԿ 4.2 լսարանում հանդես եկավ «Քաղաքական հաղորդակցման փոփոխվող սցենարը» դասախոսության թեմայով:
Դասախոսությունը վերաբերում էր ամբողջ աշխարհում քաղաքական հաղորդակցման համակարգերի անցումային գործընթացներին: Հատկապես կարևորվում է, որպես միջնորդ, լրատվության և սոցիալական մեդիայի դերը ներկայիս քաղակաքանության մեջ:
