Գլխավոր էջ





ՀՀ ԳԱԱ գիտակրթական միջազգային կենտրոնի տնօրեն Արմեն Սարգսյանի սեպտեմբերմեկյան շնորհավորական ուղերձը

Սեպտեմբերի 1, 2022

 

Սիրելի՛ ուսանողներ, դասախոսներ, կրթության և գիտության ոլորտի ներկայացուցիչներ,

ջերմորեն շնորհավորում եմ ձեզ Սեպտեմբերի 1-ի՝ Գիտելիքի և դպրության օրվա կապակցությամբ։


Այսօրվանից մեկնարկում է նոր ուսումնական տարին, որը, վստահ եմ, իր հետ բերելու է գիտելիքների ընդլայնման, հետաքրքիր գաղափարների իրագործման և նոր ձեռքբերումների հնարավորություններ։


Սիրելի՛ մագիստրանտներ, օգտվե՛ք այդ հնարավորություններից, զինվե՛ք արդիական գիտելիքներով և հմտություններով, եղե՛ք նախաձեռնող և նպատակասլաց, ինչը հնարավորություն կտա դառնալու որակյալ և պահանջված մասնագետներ՝ ձեր նպաստը բերելով մեր երկրի զարգացմանն ու առաջընթացին։


Կենտրոնը մշտապես լինելու է ձեր աջակիցն ու քաջալերողը ձեր նորարարական ու հետաքրքիր բոլոր նախաձեռնությունների և գաղափարների իրականացման գործում։


Մաղթում եմ հետաքրքիր, բազմաբովանդակ և արդյունավետ ուսումնառություն։


Բարի՛ երթ և ի գործ․․․


Արմեն Սարգսյան

ՀՀ ԳԱԱ գիտակրթական միջազգային կենտրոնի տնօրեն