ՀՀ ԳԱԱ ԳԿՄԿ տնօրեն Ա. Սարգսյանի ուղերձը Մարտի 8-ի` Կանանց միջազգային տոնի առթիվ
Մարտի 7, 2022
Սիրելի՛ մայրեր, քույրեր, աղջիկներ,
ջերմորեն շնորհավորում եմ ձեզ Կանանց միջազգային տոնի՝ Մարտի 8-ի առթիվ:
Թո՛ղ կանացի հմայքը, սերն ու հոգատարությունը հավերժ լինեն ձեր ուղեկիցը:
Գարնանային այս գեղեցիկ տոնական օրը ևս մեկ առիթ է մեծարումի և երախտիքի խոսքեր հղել բոլոր հայ կանանց, ում դերը բացառիկ ու անգնահատելի է ընտանիքի ամրության, պետության զարգացման և մեր երկրի ապագայի կառուցման գործում:
Առանձնակի գնահատանքով ցանկանում եմ շնորհավորել կրթության և գիտության ոլորտում աշխատող իմ բոլոր գործընկեր կանանց՝ կարևորելով ուսուցչի, դասախոսի, գիտնականի մեծ ավանդը սերունդներ դաստիարակելու, կրթելու և մեր ապագա հաղթանակները կերտելու ճանապարհին: Ի վերջո չկա ավելի հզոր ուժ, քան գիտելիքը, և գիտելիքներով զինված մարդն է անպարտելի:
Շարունակե՛ք ազգապահպան և շենացնող ձեր վեհ առաքելությունը՝ ապահովելով մեր Հայրենիքի զարթոնքն ու առաջընթացը:
Եվս մեկ անգամ շնորհավորելով Կանանց միջազգային օրվա առթիվ՝ մաղթում եմ անսասան երջանկություն, ընտանեկան ջերմություն և մասնագիտական բազում վերելքներ:
ՀՀ ԳԱԱ գիտակրթական միջազգային կենտրոնի տնօրեն
Ա․ Սարգսյան