Միջազգային գիտաժողովի հրավեր

ՀՀ Գիտությունների ազգային ակադեմիայի գիտակրթական միջազգային կենտրոնը հրավիրում է մասնակցելու «Գիտության և կրթության հիմնախնդիրները թվային փոխակերպումների դարաշրջանում» խորագրով ամենամյա միջազգային գիտաժողովին, որտեղ կարող եք հանդես գալ զեկուցումներով։

Գիտաժողովը տեղի կունենա ՀՀ ԳԱԱ գիտակրթական միջազգային կենտրոնի 10-րդ հարկի նիստերի դահլիճում, ս.թ. մայիսի 23-ին՝ ժամը 10։00-ին։

Գիտաժողովի նպատակն է ներկայացնել պրոֆեսորադասախոսական համակազմի, ասպիրանտների և մագիստրանտների՝ հիմնարար և կիրառական հետազոտություններում առկա ձեռքբերումներն ու հիմնախնդիրները։

Հոդվածները ներկայացնելու տեխնիկական պահանջներին կարող եք ծանոթանալ այստեղ։

Հոդվածները ներկայացվում են մինչև ս.թ. մարտի 30-ը։

Հարցերի դեպքում կարող եք զանգահարել ՀՀ ԳԱԱ գիտակրթական միջազգային կենտրոն՝ Մանանա Ենոքյանին (010) 568183 (ներքին՝ 358) հեռախոսահամարով։ manana.yenokyan@isec.am.