Կրկնակի Դիպլոմի Շնորհմամբ Մագիստրոսական Ծրագիր

«ՄԱՐՔԵԹԻՆԳ» ՄԱՍՆԱԳԻՏՈՒԹՅԱՄԲ

ԿՐԿՆԱԿԻ ԴԻՊԼՈՄԻ ՇՆՈՐՀՄԱՄԲ ՄԱԳԻՍՏՐՈՍԱԿԱՆ ԾՐԱԳԻՐ

ՀՀ ԳԱԱ գիտակրթական միջազգային կենտրոն և Տուշայի համալսարան (Իտալիա)

Ծրագրի նպատակը

«Մարքեթինգ» մասնագիտությամբ կրկնակի դիպլոմի շնորհմամբ մագիստրոսական ծրագիրը իրականացվում է ՀՀ ԳԱԱ գիտակրթական միջազգային կենտրոնի և Տուշայի համալսարանի (Իտալիա) համագործակցությամբ՝ նպատակ ունենալով պատրաստել բարձրորակ մասնագետներ, որոնք ունակ կլինեն աշխատելու միջազգային շուկայի փոփոխվող պայմաններում, մշակելու և իրագործելու մարքեթինգային գործիքներ և տվյալների վերլուծության մեթոդներ, ինչպես նաև կանխատեսելու շուկայական հնարավոր զարգացումները և ընդունելու արդյունավետ մարքեթինգային կառավարչական որոշոմներ։

Ծրագրի նկարագիրը

Ծրագրի ընդհանուր տևողությունը՝ 2 տարի: Ակադեմիական ծանրաբեռնվածությունը, ըստ ECTS համակարգի, 120 կրեդիտ է: Ուսուցման լեզուն՝ հայերեն և անգլերեն:

Ուսանողները 1-ին ուտարին ուսումնառում են ՀՀ ԳԱԱ գիտակրթական միջազգային կենտրոնում, իսկ 2-րդ տարին՝ Տուշայի համալսարանում (Իտալիա)։ Տուշիայի համալսարանի համապատասխան ակադեմիական անձնակազմի հետ հարցազրույցի փուլը հաջողությամբ հաղթահարած ուսանողները 2-րդ ուտարին կուսումնառեն Տուշայի համալսրանում: Դասախոսությունների և գիտամեթոդական աշխատանքների կազմակերպման ձևաչափը համապատասխանում է յուրաքանչյուր համալսարանի մագիստրոսական դիպլոմի կրթական ծրագրին:

Իտալիայում ուսումնառության համար ուսանողին տրամադրվում է անհատական կրթաթոշակ և ճանապարհածախսի փոխհատուցում:
Ուսանողը իրավունք ունի բնակվելու Տուշայի համալսարանի ուսանողական հանրակացարանում և օգտվելու օրական մեկանգամյա անվճար սնվելու իրավունքից:

Մագիստրոսական թեզը գրվում է երկլեզու՝ հայերեն և անգլերեն: Պաշտպանությունը կազմակերպվում է 2 բուհերի ներկայացուցիչների մասնակցությամբ՝ հիբրիդային ձևաչափով (առկա, առցանց): Մագիստրոսական ծրագրի հաջող ավարտից հետո ՀՀ ԳԱԱ ԳԿՄԿ ուսանողներին շնորհվում է «Մարքեթինգ» և Տուշայի համալսարանի «Մարքեթինգ և որակ» մասնագիտությամբ կրկնակի դիպլոմի շնորհմամբ մագիստրոսական ծրագրի 2 առանձին դիպլոմ:

Ծրագրին մասնակցելու պայմանները

Դիմորդը պետք է՝

Ունենա բակալավրի աստիճան՝ «Մարքեթինգ» մասնագիտությամբ կամ հարակից ոլորտներից, ինչպիսիք են՝ կառավարում և գործարար վարչարարություն։
Լինի ՀՀ ԳԱԱ ԳԿՄԿ «Մարքեթինգ» մագիստրոսական ծրագրի ուսանող (ուսման տարեկան վճարը՝ 600.000 ՀՀ դրամ):
Առաջին կուրսի ավարտին ունենա առնվազն 16 միավոր ՄՈԳ։
Տիրապետի անգլերենին՝ oտար լեզվի իմացության եվրոպական ընդհանուր շրջանակի B2 մակարդակին համապատասխան:

Անգլերենի իմացության B2 մակարդակը գնահատվում է ՀՀ ԳԱԱ ԳԿՄԿ-ում՝ համապատասխան քննություն անցկացնելու միջոցով։ Դրան կարող են փոխարինել հավակնորդի ունեցած IELTS կամ TOEFL քննությունների հավաստագրերը:

Ծրագրի բովանդակությունը

I ուստարվա առարկաները՝

Ֆինանսների կառավարում
Տեղեկատվական համակարգերի կառավարում
Որակի և կառավարման հավաստագրման համակարգեր
Մարքեթինգային հետազոտություններ / Վիճակագրական վերլուծություն
Միջազգային դրամավարկային տնտեսագիտություն և քաղաքականություն (ընտրովի)
Տնտեսագիտական վարքագիծ և կառավարում (ընտրովի)
Իտալերեն
Հետազոտական աշխատանքներ

II ուստարվա առարկաները՝

Մարքեթինգ և մեծ տվյալների վերլուծություն / Էլեկտրոնային բիզնես
Ֆինանսական տնտեսագիտություն
Առաջադեմ առևտրային իրավունք
Բիզնեսի կառավարում
Որակի կառավարում Ինդուստրիա 4.0 շրջանակում (ընտրովի)
Կայուն նորարարություն ապրանքի և ծառայության մշակման մեջ (ընտրովի)
Բիզնես անգլերեն
Մասնագիտական պրակտիկա և հետազոտական աշխատանքներ

2-րդ ուստարվա՝ Տուշայի համալսարանում ուսումնառությանը վերաբերող մանրամասն տեղեկատվությունը տե՛ս այստեղ․ https://www.unitus.it/wp-content/uploads/2023/05/Corsi-di-Laurea-UNITUS-Marketing-e-qualita-DEIM.pdf

Կրկնակի Դիպլոմի Շնորհմամբ Մագիստրոսական Ծրագիր

ՀԵՏԱԴԱՐՁ ԿԱՊ

Մեր մասին

Կրթություն

Գիտություն