Արաբական Միացյալ Էմիրությունների դեսպանը՝ ՀՀ ԳԱԱ-ում
Մայիսի 15, 2019
Ս. թ. մայիսի 14-ին ՀՀ ԳԱԱ ԳԿՄԿ արտաքին կապերի բաժնի նախաձեռնությամբ ՀՀ-ում Արաբական Միացյալ Էմիրությունների դեսպան Մուհամեդ Էիզա ԱլԶաաբին հյուրընկալվեց ՀՀ ԳԱԱ արևելագիտության ինստիտուտում (ԱԻ): Հանդիպման ընթացքում քննարկվեցին գիտության և կրթության ոլորտում հնարավոր համագործակցության եզրերը:
ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանը ողջունեց դեսպանին՝ կարևորելով նրա այցը արևելագիտության օրրան, իսկ Արաբական երկրների բաժնի վարիչ Լիլիթ Հարությունյանը ներկայացրեց արաբագիտության ոլորտում ԱԻ հետազոտությունները և տպագրված գրքերը: ՀՀ ԳԱԱ արևելագիտության ինստիտուտի գիտական գծով փոխտնօրեն, ՀՀ ԳԱԱ ԳԿՄԿ արևելագիտության ամբիոնի վարիչ Ռոբերտ Ղազարյանը ներկայացրեց կրթության ոլորտում համագործակցության հնարավոր ուղիները:
Կողմերը գիտության և կրթության ոլորտում համագործակցության մեկնարկի ծրագրերի փաթեթ ներկայացնելու համաձայնության եկան:
