Կրթության որակը՝ ԳԱԱ գիտակրթական միջազգային կենտրոնի առաջընթացի կարևոր բաղադրիչ
Հուլիսի 17, 2019
ՀՀ ԳԱԱ ԳԿՄԿ որակի ապահովման բաժինը, մշտապես կարևորելով կրթության որակի շարունակական բարելավումն ու զարգացումը Կենտրոնում, ս.թ. հուլիսի 11-ին կազմակերպել էր հերթական հանդիպումնը ԳԿՄԿ ամբիոնների վարիչների, ամբիոնների որակի ապահովման պատասխանատուների և ստորաբաժանումների ղեկավարների հետ: Օրակարգը՝ այստեղ:
Հանդիպման ընթացքում վեր հանվեցին կրթության որակին առնչվող տարբեր հարցեր և խնդիրներ:
Ներկայացվեց շրջանավարտների կողմից առկա և հեռակա բաժինների կրթական ծրագրերի և պրակտիկաների գնահատման վելուծությունների արդյունքները, ԳԿՄԿ-ում գործող գնահատման համակարգի ձևերն ու հնարավոր փոփոխման եղանակները: Որոշվեց փոփոխել պրակտիկայի իրականցման ձևերն ու ժամկետները ՝ շեշտը դնելով գործնական բաղադրիչի առավել մեծացման վրա:
Ամբիոնների վարիչներին հանձնարարվեց «Ամբիոնների գործունեության որակի գնահատման» կարգին համապատասխան՝ մինչև ս/թ սեպտեմբերի 30-ը ԳԿՄԿ որակի ապահովման բաժին ներկայացնել իրենց ղեկավարած ամբիոնների գործունեության գնահատման հաշվետվությունները:
ՀՀ ԳԱԱ ԳԿՄԿ որակի ապահովման բաժնի պետ Նարինե Վարդանյանը նշեց, որ բաժինը մշտապես կարևորում է նմանատիպ հանդիպումներն ու խոստացավ առաջիկայում կրկին կազմակերպել այսպիսի քննարկումներ ՝ ի նպաստ կրթության որակի բարձրացման և լավագույն փորձի փոխանցման:
