Նոր եռակողմ համաձայնագիր

Ս/թ Փետրվարի 5-ին ՀՀ ԳԱԱ գիտակրթական միջազգային կենտրոնի, ՀՀ ԳԱԱ պատմության ինստիտուտի և Ստավրոպոլի Հյուսիսային Կովկասի դաշնային համալսարանի (https://www.ncfu.ru/glavnaya/) միջև կնքվեց եռակողմ համաձայնագիր՝ "Անդրկովկասյան հետազոտությունների կենտրոն" միջազգային հետազոտական լաբորատորիա ստեղծելու մասին:

Համաձայնագրի նպատակն է միավորել կողմերի կադրային, նյութատեխնիկական և տեղեկատվական ռեսուրսները՝ "Անդրկովկասյան հետազոտությունների կենտրոն" միջազգային հետազոտական լաբորատորիա ստեղծելու համար:

Սույն համաձայնագրի շրջանակներում կողմերը համատեղ հետազոտական նախագծեր կիրականացնեն հետևյալ ուղղություներով՝

• համատեղ հետազոտական ծրագրերի, պատմության, միջազգային հարաբերությունների, քաղաքագիտության ոլորտում նախագծերի իրականացում,
• գիտական խնդիրներ ուսումնասիրելու համար համատեղ ժամանակավոր հետազոտական թիմերի ձևավորում,
• գիտատեխնիկական տեղեկատվության, փաստաթղթերի, գրականության և մատենագիտական հրատարակությունների փոխանակում,
• համատեղ սեմինարների, գիտական կոնֆերանսների, աշխատանքային հանդիպումների անցկացում,
• համատեղ հոդվածների և զեկույցների հրապարակում, մասնագետների վերապատրաստում, պրակտիկայի կազմակերպում,
• դասախոսական կազմի, մագիստրանտների, ասպիրանտների և գիտական ղեկավարների  փոխանակում: