ԳԻՏԱԺՈՂՈՎԻ ՀՐԱՎԵՐ
Փետրվարի 28, 2025 
29 ապրիլի, 2025 թ.
«Հայոց լեզու և հայ գրականություն․
զարգացման միտումները,
հանրամատչելիացման հնարավորությունները
և դրանց արտացոլումը ուսումնական գործընթացում »
համահայկական գիտաժողով
Կազմակերպիչներ՝
ՀՀ ԳԱԱ
ՀՀ ԿԳՄՍՆ
ՀՀ ԳԱԱ ԳԿՄԿ
ՀՐ. ԱՃԱՌՅԱՆԻ ԱՆՎԱՆ ԼԵԶՎԻ ԻՆՍՏԻՏՈՒՏ
Մ. ԱԲԵՂՅԱՆԻ ԱՆՎԱՆ ԳՐԱԿԱՆՈՒԹՅԱՆ ԻՆՍՏԻՏՈՒՏ
Հարգարժան գործընկեր
Հրավիրում ենք մասնակցելու «Հայոց լեզու և հայ գրականություն․ զարգացման միտումները, հանրամատչելիացման հնարավորությունները և դրանց արտացոլումը ուսումնական գործընթացում » համահայկական գիտաժողովին, որը տեղի կունենա 2025թ. ապրիլի 29-ին, ՀՀ ԳԱԱ-ում: Գիտաժողովում կքննարկվեն հանրակրթական և բուհական ոլորտներում հայագիտության, մասնավորապես՝ գրականագիտության և լեզվաբանության հանրամատչելիացման և նրանց հիմունքների ուսուցման հիմնախնդիրները: Գիտաժողովի կարգախոսը հետևյալն է՝ «Հայոց լեզուն ՀՀ-ում գիտության հանրամատչելիացման հիմնական լեզուն է» ։ Գիտաժողովին, ըստ ներկայացված պայմանների ու պահանջների, կարող են մասնակցել ուսուցիչներ, դասախոսներ, գիտաշխատողներ, քոլեջների աշխատակիցներ, նշված խնդիրներով զբաղվող մագիստրոսներ, ասպիրանտներ և կրթության ոլորտի մասնագետներ: Հասցեն` Երևան, Բաղրամյան 24, ՀՀ ԳԱԱ:
Նախատեսվում է քննարկել հետևյալ թեմաները.
- Գրականագիտության հանրամատչելիացման և ուսուցման հիմնախնդիրներ
- Լեզվաբանության հանրամատչելիացման և ուսուցման հիմնախնդիրներ
- Հայագիտական առարկաների դասավանդման գործնական ուղղվածության ապահովման ուղիները
- Ժամանակակից տեղեկատվական և հաղորդակցական տեխնոլոգիաները կրթական համակարգում
- Օլիմպիադաներ և աշխատանք օժտված երեխաների հետ
- Գիտամեթոդական և գիտահանրամատչելի գրականության դերը արդիականացվող կրթական համակարգում:
Տեղեկատվություն.
ՀՀ ԿԳՄՍ նախարարության կայք (https://escs.am/am), ՀՀ ԳԱԱ կայք (https://www.sci.am/ ), «Գիտություն» թերթ:
Լրացուցիչ տեղեկատվության համար զանգել՝ 097 241130 :
Զեկուցումների և թեզիսների ներկայացման կարգը
Գիտաժողովին մասնակցելու համար անհրաժեշտ ներկայացնել հոդվածի էլեկտրոնային օրինակը: Գիտաժողովին մասնակցել ցանկացողները կազմկոմիտե պետք է ներկայացնեն հետևյալ նյութերը.
• մասնակցության հայտ
• ելույթի կամ զեկուցման թեզիսները էլեկտրոնային և տպագիր օրինակով` մինչև 5 տպագիր էջ ծավալով, Word document ձևաչափով:
• Ներկայացման վերջնաժամկետը 2025թ. ապրիլի 15-ն է:
• Զեկուցումները և թեզիսները ուղարկել anna.mirzoyan@sci.am
էլ. հասցեին:
Հոդվածի ներկայացման չափանիշները
Հոդվածն ուղարկել հետևյալ էլեկտրոնային հասցեով` կից (File Attachment)` anna.mirzoyan@sci.am
●Համակարգը՝ Microsoft Word, A4 չափի. հոդվածը` առավելագույնը 5 էջ. ամփոփումը` կես էջ (ներառյալ հեղինակի ազգանունը, անունը, խորագիրը), լուսանցքը՝ բոլոր կողմերից 2.5, պարբերության առաջին տողի խորությունը՝ 1․ 25:
●Լեզուն՝ հայերեն (ամփոփումը՝ անգլերեն և ռուսերեն), անգլերեն, ռուսերեն (ամփոփումը՝ հայերեն):
●Տեքստի տառատեսակը` Sylfaen (հայերեն), Times New Roman (անգլերեն, ռուսերեն), ամփոփման տառատեսակը` Sylfaen (հայերեն), Times New Roman (անգլերեն, ռուսերեն):
●Հերթականությունը` ա) հեղինակի ազգանուն, անուն, փակագծերում` երկիր և աշխատավայր, բ) խորագիր, գ) բանալի բառեր (7 բառ), դ) տեքստ, ե) ամփոփում և տեղեկություններ հեղինակի մասին (հեղինակի գիտական աստիճանն ու կոչումը, աշխատանքի վայրը, պաշտոնը, հեռախոսահամարը և էլեկտրոնային փոստը)։
●Հոդվածի վերջում գրականության և համառոտագրությունների ցանկեր չկցել:
●Տեքստում չպետք է լինեն կրկնակի բացատներ և տողադարձեր:
●Հղումները` տողատակում, հերթական համարակալմամբ:
●Տառերի չափը. հեղինակի ազգանուն, անուն` 12 մուգ, երկիր, աշխատավայր`12 ոչ մուգ, խորագիր` 12 մուգ, գլխատառ,ենթախորագրեր` 12 մուգ, տեքստ` 12 ոչ մուգ, ամփոփում` 12 ոչ մուգ (ամբողջությամբ), հղումներ`10 մուգ (հեղինակ), 10 ոչ մուգ, թեք (խորագիր), 10 ոչ մուգ (մատենագրական տվյալներ․):
●Փակագծերը՝ կլոր:
●Տողերի միջև հեռավորությունը`1․5:
ԳԻՏԱԺՈՂՈՎԻ ԿԱԶՄԿՈՄԻՏԵ
Մասնակցության հայտ 