Կյանքից հեռացել է ՀՀ ԳԱԱ ԳԿՄԿ ընդհանուր գծով փոխտնօրեն Ա. Միրզոյանը
Ապրիլի 12, 2022
ՀՀ ԳԱԱ գիտակրթական միջազգային կենտրոնի աշխատակազմը խորը վշտով հայտնում է, որ կյանքի 75-րդ տարում կյանքից հեռացել է Կենտրոնի ընդհանուր գծով փոխտնօրեն, տեխնիկական գիտությունների թեկնածու Արամ Միրզոյանը:
Անուրանալի է նրա ավանդը ՀՀ ԳԱԱ գիտակրթական միջազգային կենտրոնի զարգացման և առաջընթացի գործում: Անմնացորդ նվիրումով, նախաձեռնող խառնվածքով և կազմակերպչի ձիրքով երկար տարիներ Ա. Միրզոյանն ապահովել է Կենտրոնի նպատակային և արդյունավետ գործունեությունը:
Նա իր գործի իսկական մասնագետն էր, ազնիվ ընկեր ու ընտանիքի նվիրյալ հայր:
ՀՀ ԳԱԱ գիտակրթական միջազգային կենտրոնի աշխատակազմը խորապես ցավակցում է Արամ Միրզոյանի ընտանիքին, հարազատներին, մերձավորներին ու ընկերներին և կիսում նրանց ծանր վիշտը:
Արամ Մովսեսի Միրզոյանը ծնվել է 1947 թվականին Երևանում։
1971թ. ավարտել է Երևանի պետական համալսարանի ֆիզիկայի ֆակուլտետի «Ռադիոֆիզիկա և էլեկտրոնիկա» բաժինը:
1971-1973թթ. Միկրոէլեկտրոնիկայի գիտահետազոտական տեխնոլոգիական ինստիտուտ, ավագ ինժեներ:
1973-1974թթ. Հայաստանի Հանրապետության Գիտությունների ակադեմիայի հաշվիչ կենտրոն, «ՂԱՍԼ»:
1974-1978թթ. Հայաստանի Հանրապետության Գիտությունների ակադեմիայի հաշվիչ կենտրոն, ասպիրանտ «Տեխնիկական կիբերնետիկայի և ինֆորմատիկայի տեսություն» մասնագիտությամբ:
1980թ. «ԻՌԵԱ» Համամիութենական գիտահետազոտական ինստիտուտի օրգանական սինթեզի Երևանյան լաբորատորիա, օպտիմիզացիայի և մոդելավորման սեկտորի ավագ գիտաշխատող:
1986թ. «Հաշվիչ տեխնիկայի» լաբորատորիայի վարիչ, վերանվանված հայկական կիրառական քիմիայի «ԱՌԻԱԿ» ինստիտուտ:
1999թ. ՀՀ ԳԱԱ գիտատեխնիկական քաղաքականության վարչության գլխավոր մասնագետ:
2002թ. ՀՀ ԳԱԱ գիտական տեղեկատվության և լրատվության կենտրոնի գիտական քարտուղար:
2003թ. ՀՀ ԳԱԱ գիտակրթական միջազգային կենտրոնի գիտական քարտուղար:
2005թ. ՀՀ ԳԱԱ գիտակրթական միջազգային կենտրոնի տնօրենի տեղակալ:
2021–2022թթ. ՀՀ ԳԱԱ գիտակրթական միջազգային կենտրոնի ընդհանուր գծով փոխտնօրեն:
Հեղինակել է բազմաթիվ գիտական հոդվածներ: