ՀՀ ԳԱԱ գիտակրթական միջազգային կենտրոնի տնօրենության որոշում

Հիմք ընդունելով ՀՀ ԿԳՄՍ նախարար Վ. Դումանյանի 01/11.2/4635 գրությունը, նկատի ունենալով նաև ՀՀ COVID-19 համավարակով պայմանավորված ներկայիս դրությունը՝ ՀՀ ԳԱԱ գիտակրթական միջազգային կենտրոնի տնօրենությունը

որոշում է.

1. 2021 թ. մարտի 19-ից ուսումնական գործընթացը կազմակերպել հեռավար եղանակով:
2. ՀՀ ԳԱԱ ԳԿՄԿ ամբիոնների որոշմամբ մինչև 10 ուսանող ընդգրկող խմբերի դասերը և քննությունները կարելի է անցկացնել նաև առկա ձևաչափով՝ պահպանելով հակահամաճարակային կանոնները:
3. Դասապրոցեսը կազմակերպել ըստ հաստատված ժամանակացույցի և դասացուցակի:
4. Առկա և հեռավար դասընթացների անցկացման օրերը չպետք է համընկնեն:
5. Հեռավար դասերը և քննությունները անցկացնել բացառապես ՀՀ ԳԱԱ ԳԿՄԿ հեռավար հարթակում՝ https://vle.sci.am:
6. Հեռավար հարթակում ապահովել դասընթացների և քննությունների համար անհրաժեշտ նյութերի առկայությունը:
7. Դասապրոցեսը կազմակերպելիս խստագույնս պահպանել հակահամաճարակային կանոնները:
8. Սույն որոշման կատարման նկատմամբ հսկողությունը վերապահել ԳԿՄԿ ուսումնական աշխատանքների գծով փոխտնօրենին և դեկանին:
9. Սույն որոշումն ուժի մեջ է մտնում ընդունման պահից:

 ՀՀ ԳԱԱ ԳԿՄԿ ՏՆՕՐԵՆ՝                                       Ա. Սարգսյան