«Արագածոտնի պատմամշակութային նկարագիրը» խորագրով հանրապետական գիտաժողովի հրավեր

ՀՀ Արագածոտնի մարզպետի աշխատակազմն ու Թալինի համայնքապետարանը համատեղ կազմակերպում են «Արագածոտնի պատմամշակութային նկարագիրը» խորագրով հանրապետական գիտաժողով, որը տեղի կունենա հունիսի 20-ին, Թալինում: Այն նվիրվում է թալինցի մերօրյա հերոս Միհրան Ասատրյանի հիշատակին:

Գիտաժողովին հրավիրվում են մասնակցելու մագիստրատուրայի ուսանողներ, ասպիրանտներ, հայցորդներ, գիտաշխատողներ, ովքեր պետք է հանդես գան զեկուցումներով:

Զեկուցման ներկայացվող թեմաները պետք է վերաբերեն Արագածոտնին և ներառեն հետևյալ ուղղություններից որևէ մեկը՝

• Հնագիտություն
• Պատմություն
• Նյութական և ոչ նյութական մշակութային ժառանգության պահպանություն
• Ժողովրդագրություն
• Ազգագրություն
• Պատմական հիշողություն
• Բարբառագիտություն
• Ճարտարապետություն
• Աշխարհագրություն
• Կրթություն
• Հոգևոր և մշակութային կենտրոններ
• Տպագրության պատմություն
• Բնական գիտություններ
• Հայաստան
• Զբոսաշրջություն
• Քաղաքագիտություն

Գիտաժողովի կարևորությունը բխում է ներքոնշյալ նպատակներից և ակնկալվող արդյունքներից.

Նպատակներ՝

• Ընձեռել Արագածոտնի մարզին վերաբերող պատմական, աշխարհագրական, հնագիտական, ժողովրդագրական,պատմամշակութային ժառանգության պահպանման և այլ արդի հիմնախնդիրները վեր հանող ուսումնասիրությունների ստեղծման հնարավորություն:
• Հնարավորինս ներկայացնել Արագածոտնի ունեցած դերը տարածաշրջանի պատմական գործընթացների ձևավորման և զարգացման համակարգում:
• Համախմբել գիտության և կրթության տարբեր ոլորտների ներկայացուցիչներին՝ հաղորդակից դարձնելով նրանց վերոնշյալ բնագավառներում կատարվող հետազոտություններին և աշխատաքներին:
• Ստեղծել արծարծվող թեմաների քննարկման արդյունավետ, գիտական միջավայր:

Ակնկալվող արդյունքներ՝

• Մերօրյա ընկալման և իմաստավորման համապատկերում Արագածոտնի մարզի պատմամշակութային նկարագրի ձևավորում:
• Նոր ուսմնասիրությունների հանրահռչակում և ամրապնդում:
• Համապատասխան ոլորտների վերաբերյալ տեղեկատվության համախմբում և մեկտեղում:

Գիտաժողովին զեկուցումներով հանդես գալու համար խնդրում ենք լրացնել հայտը հետևյալ հղումով՝  https://forms.gle/EBmoAsKCEeNzeVDAA

Հայտերի ընդունման վերջնաժամկետն է՝ ապրիլի 15-ը, հայտերի հաստատման վերջնաժամկետը` ապրիլի 30-ը: Գիտաժողովի օրակարգը կհրապարակվի մայիսի 5-ին: Գիտաժողովի աշխատանքային լեզուն հայերենն է:

Նշված վերջնաժամկետից հետո ուղարկված և թեմայից դուրս հայտերը չեն ընդունվի: Գիտաժողովին ներկայացված զեկույցների ընտրանին կդիտարկվի տպագրման համար: Հարցերի դեպքում կարող եք զանգահարել հետևյալ հեոախոսահամարներով՝ (+374)94-25-45-07, (+374)77֊04-72-92, էլ. հասցե՝ gitajoghovaragtsotn@gmail.com

Ներկայիս Արագածոտնը պատմական Մեծ Հայքի Այրարատ աշխարհի կենտրոնական Արագածոտն գավառի մաս է կազմել: Կոչվել է նաև Արագածի ոտն, Արագածոտան, Կողմն Արագածա և այլն: Իր տեղադրությամբ հանդերձ դարեր շարունակ պատմական կարևորագույն իրադարձությունների մասնակից է եղել:

Ներկայումս ՀՀ մարզային կարգավիճակ ունեցող վարչատարածքային միավոր է՝ Աշտարակի, Ապարանի, Թալինի և Արագածի տարածաշրջաններով: Այն հարուստ է նաև պատմամշակութային, ճարտարապետական, հոգևոր կոթողներով: Եվ այսօր անհրաժեշտություն է կազմակերպվող հանրապետական գիտաժողովի միջոցով մշակութային, գիտակրթական և հոգևոր աշխարհի ուշադրությունը ուղղել դեպի Արագածոտն: