Եվրասիա միջազգային համալսարանի 25-ամյակին նվիրված գիտաժողովի հրավեր
Փետրվարի 9, 2023
Եվրասիա միջազգային համալսարանի հետազոտական կենտրոնը և ուսանողական գիտական ընկերությունը 2023 թվականի մարտի 2-ին նախաձեռնել են ամենամյա ուսանողական գիտաժողով, որն այս տարի կրում է «Գլոբալ մարտահրավերները և կայուն զարգացումը» խորագիրը: Գիտաժողովը նվիրված է Եվրասիա միջազգային համալսարանի 25 ամյակին:
Գիտաժողովին հրավիրվում են մասնակցելու ՀՀ տարբեր բուհերի բակալավրի, մագիստրատուրայի և ասպիրանտուրայի կրթական ծրագրերով սովորողները: Գիտաժողովին ներկայացվող զեկուցումները կարող են ունենալ մասնագիտական հետևյալ ուղղությունները․
- Իրավագիտություն
- Օտար լեզուներ, գրականություն
- Ընդհանուր և տարրական մանկավարժություն ու մեթոդիկա
- Լրագրություն
- Կառավարում
- Ֆինանսներ
- Տեղեկատվական համակարգեր
- Դեղագիտություն և դեղերի տեխնոլոգիա
Խրախուսվում են գիտական ղեկավար-ուսանող համատեղ հետազոտությունները:
Ամենամյա ուսանողական գիտաժողովի լավագույն երեք աշխատանքների հեղինակների հոդվածները կներկայացվեն ՀՀ Բարձրագույն որոկավորման կոմիտեի կողմից ճանաչված «Բանբեր Եվրասիա միջազգային համալսարանի» պարբերականում տպագրության:
Մասնակցության համար անհրաժեշտ է մինչև 2023թ. փետրվարի 13-ը լրացնել առցանց այս հայտաձևը՝ https://forms.gle/Grx7tLwFmBEWWmnz7:
Գիտաժողովի վերաբերյալ առավել մանրամասն տեղեկատվություն կարող եք ստանալ՝ այցելելով Եվրասիա միջազգային համալսարանի կայք www.eiu.am: