ՀՀ ԳԱԱ ԳԿՄԿ հայցորդները հաջողությամբ ավարտեցին անգլերենի նախապատրաստական դասընթացը
Հունիսի 9, 2017
Անգլերեն լեզվի քննության նախօրեին ՀՀ ԳԱԱ Գիտակրթական միջազգային կենտրոնի ասպիրանտուրայի բաժնի հայցորդները հաջողությամբ ավարտեցին անգլերեն լեզվի նախապատրաստական դասընթացը՝ նախատեսված 2016-2017 ուսումնական տարվա համար (դասախոսնեեր` Հասմիկ Աբրահամյան, Գեորգի Բաղդասարյան, Անահիտ Հարությունյան): Շուրջ մեկ տարի տևողությամբ դասընթացի նպատակն էր հայցորդներին հաղորդել խորացված մասնագիտական և ընդհանուր անգլերեն գիտելիքներ, զարգացնել թարգմանչական հմտություններն ու կարողությունները, ինչպես նաև նպաստել անգլերեն լեզվով մասնագիտական գրականությունից օգտվելու ունակությունների ձեռք բերմանը և զարգացմանը: Ողջ դասընթացի ընթացքում հայցորդները աչքի էին ընկնում մեծ աշխատասիրությամբ ու ջանասիրությամբ:
- Ինձ համար գերագույն հաճույք էր աշխատել իմ խմբի ուսանողների հետ, քանի որ նրանք մեծ սիրով և պատասխանատվությամբ էին մոտենում դասընթացին: Հաճախ մեր դասերը մենք զուգորդում էինք անգլերեն լեզվով ֆիլմերի դիտմամբ, որը մեծապես նպաստեց հայցորդ ուսանողների անգլերեն լեզվի գործնական գիտելիքների և արտասանական հմտությունների զարգացմանը, - նշում է դասախոս Հասիկ Աբրահամյանը:
Բարի´ երթ ձեզ, սիրելի´ հայցորդներ: