Աշխատաժողով` ասպիրանտական կրթության որակի ապահովման չափորոշիչներ

ԵՄ TEMPUS-ի “VERITAS” «Զալցբուրգյան սկզբունքների հիման վրա կրթական 3-րդ մակարդակի կառուցվածքային զարգացում» դրամաշնորհային ծրագրի շրջանակներում, 2014 թվականի մայիսի 11-13-ը  ԵՊՀ-ում կայացավ «Աստիճանաշնորհման չափանիշներ և ներքին և արտաքին որակի ապահովման չափորոշիչներ» խորագրով աշխատաժողով նվիրված ասպիրանտական կրթության աստիճանաշնորհման չափանիշներ և որակի ապահովման  ներքին և արտաքին չափորոշիչներ թեմային: Աշխատաժողովին մասնակցեցին   հայաստանյան 11 բուհերի ներկայացուցիչներ, ինչպես նաև ներկայացուցիչներ ԿԳ նախարարությունից,  Որակի ապահովման ազգային կենտրոնից (ՈԱԱԿ) և «Կրթության կառավարում» ՀԿ-ից, ինչպես նաև ԵՄ առաջատար գործընկերներ  համալսարանների ներկայացուցիչները՝ WUS (Ավստրիա), KTH (Շվեդիա), UHMF (Գերմանիայի)  BSU (Մեծ Բրիտանիա), UDG ( Իսպանիա): Ծրագրի համակարգող`Երևանի Մ. Հերացու անվան պետական բժշկական համալսարան:  

Եռօրյա աշխատաժողովի ընթացքում յուրաքանչյուր ԲՈՒՀ ներկայացրեց զարգացման պլանի իր տեսլականը,  հեռանկարները և առաքելությունը, ինչպես նաև քննարկվեցին հետագա  ծրագրային գործողությունները և սահմանվեցին վերջիններիս իրականացման ժամկետները:  Աշխատաժողովի շրջանակում ձևավորվեցին  աշխատանքային խմբեր զարգացման և ռազմավարական պլաների չափանիշների, որակի ապահովման ներքին և արտաքին չափորոշիչների մշակման ուղղությամբ, որտեղ ընդգրկված էր նաև ՀՀ ԳԱԱ աշխատանքային թիմը, որը ակտիվորեն մասնակցեց տարվող աշխատանքներին: